സംസ്ഥാനത്ത് വയോജന ക്ഷേമ വകുപ്പ് സ്ഥാപിച്ചതിന് തൊട്ടുപിന്നാലെ മുതിർന്ന പൗരന്മാർക്ക് നിയമസഹായവും മാനസികപിന്തുണയുമായി കേരള പൊലീസ് രംഗത്ത് എത്തി. വയോജനങ്ങളുടെ സുരക്ഷ ഒരുക്കുന്നതിനുള്ള കേരള പോലീസിന്റെ പദ്ധതി പ്രശാന്തി യുടെ പ്രവർത്തനം വ്യാപിപ്പിക്കുന്നതിൻ്റെ ഭാഗമായി രണ്ട് ഫോൺ നമ്പറുകൾ പൊലീസ് പുറത്തുവിട്ടു. .
9497900035, എന്ന ഹെല്പ് ലൈൻ നമ്പറിലും വാട്സ്ആപ് നമ്പറായ 9497900045ലും പ്രശാന്തിയുടെ സേവനം ലഭ്യമാണ്. പരാതികൾ സമയബന്ധിതമായി കൈകാര്യം ചെയ്യുക, യാത്രാസംബന്ധമായ പ്രശ്നങ്ങൾ പരിഹരിക്കുക, കൗൺസിലിംഗ് തുടങ്ങിയ മേഖലകളിൽ കൈത്താങ്ങ് ആകുക, മറ്റു വകുപ്പുകളുമായി ബന്ധപ്പെട്ട കാര്യങ്ങളിലെ സംശയനിവാരണം നടത്തുക തുടങ്ങി നിരവധി ആവശ്യങ്ങൾക്കായി ഈ ഹെല്പ് ലൈൻ നമ്പറിൽ ബന്ധപ്പെടാം.
ദിവസേന നിരവധി വയോധികരെ വിളിച്ച് അവരുടെ വിവരങ്ങൾ തിരക്കുകയും പ്രശാന്തിയുടെ സേവനങ്ങളെപ്പറ്റി അവബോധം നൽകുകയും ചെയ്യുന്ന ക്ഷേമാന്വേഷണ പദ്ധതിയും ഇതോടൊപ്പം പ്രവർത്തിച്ചുവരുന്നു.
Senior citizens, you don't have to be silent anymore, there is a police force in the village
